السلام عليكم
أنا فتاة جامعية تزوجت من زوجي مستوى ابتدائي و قلت معليش اعطيهولي فاهم ولاهلا قرا و درت النية كان مطلق بدون أولاد و قبلت عميت عيناي عن كل شي
راني معاه في 7سنين و ولدين صراو بزاف مشاكل بصفتو متعصب و بزاف حاجات كانو في حياتي عاديين ولاو معاه محرمين صبرت ، كان ماعندو والو ساكن مع أهلو لا طونوبيل خدمة موش ناجح فيها غارق في الدين و الحمد لله ربح علي و دارهم كامل بصح لحقت وين مرة بعد وفاة أمه كرهني و طلقني و رجعني بعدها إنسان لي مايعطيكش فرصة تتناقشي معاه في حتى موضوع يخصني بصح أنا لازم نسمعو في مواضيعو لي تافهة و تخص الناس نعم راجلي يحب يخدم الناس و يحسن صورتو قدامهم و كي نحكيلو على مشاغلي و الأولاد و ووو يعيط علي و يذلني بأرذل الكلام نعم ولى يسبني و ينعتني بوجه الشر و أنا ساكنة مع عايلتو خوه و مرتو وولادهم و يعيط علي بأعلى صوتو رجعت غير نبكي نظل نبكي ما نحب نحكي مع حتى واحد حطمني نفسيتيإذا تفاهمنا و ضحكنا أسبوع نخلصها شهر بعدو خممت نطلق و جاني قرار صعيب لازملو إرادة و غاضوني ولادي يحبو باباهم و دارهم بصح راني نبكي الدم و غايضتني عمري لي راجل يذلني عييت ماعرفتش واش ندير ما يعطينيش حتى المجال باش نفهم علاه يعاملني هكذا مباشرة يطيح عليا بالشتم و بأعلى صوتو و أنا ماعدتش نحمل الإهانة
قولو لي واش ندير عييت و عدت مانقدرش نخمم