السلام عليكم ورحمة الله تعالى وبركاته
درت هذا الموضوع لأني مريت تماما بنفس الحالة اللي راكم فيها في باك 2012 حسبت روحي مخدمتش في الرياضيات خرجت نتذمر ونبحث على الأجوبة ونقارن ونستفسر وكنت خايف بزاف ومقلق وفي الأخير ديت فيها 18.5 وهذيك الطاقة قع و والوقت اللي ضيعتوا لوكان إستغليتها في شيء آخر أو في مجرد أخذ قسط من الراحة لكان أفضل لي بكثير..
خاوتي نصيحة من مجرب أخطيكم من الكلام عن الإمتحان كليا بعد إجتيازه وركزوا دائما على ماهو قادم وبعد إنقضاء البكالوريا حوسوا عن الحلول كيما حبيتوا "وأعلم أن أغلبكم لن يفعل مثلي ماحوستش نفهم قع بعد الباك او قلت نريح راسي خير فلن أغير شيئا في النقطة اللي راح نديها"
صدقوني إخواني هذا ليس الوقت المناسب أبدا للبحث عن الأخطاء فإن علمتم أنكم أخطئتم فستهبط معنوياتكم و إن لم تخطؤوا فستكونون ضيعتم وقتا ثمينا جدا فالبنسبة لي مثلا درست أيام الباك اللي كنت نجوز فيها كثر من واش كنت نقرى في العام الدراسي لأني كنت مهمل جدا
المهم إخواني ركزوا في اللي راهم جايين في الوقت الحالي وتجاهلوا كل المواضيع التي فيها إستفسارات عن المواضيع التي مضت فذلك لن يزيدكم إلا تشتتا، إتعبوا هذي الأيام الأخيرة وستنالون بحول الله ووفقكم الله لنيل شهادة البكالوريا بالمعدل الذي تطمحون إليه.