والله ما علابالكش قداش اثرت فيا كلماتك استاذ
فعلا تاثرت جدا
مالقيت ما نقول
صحا عيدكم كامل خاوتي ان شاء الله البكالوريا بامتياز لينا كامل
قداش انا حساسة من المواقف هاذي تاع اللحظات الاخيره
تغيضني بزاف
فعلا جوزت عام مع ناس رائعين مش ممكن انو اي واحد يتلاقاهم .. ببساطة نعمه
شكرا لوجودكم وشكرا لليالي البيضاء معاكم شكرا للسهرات شكرا لاننا تشاركنا مشاعرنا
كنتوا احسن من عائلتي فعلا والله ما لجأتش لعائلتي العام هذا قد ما لجأت للناس الجميلين هنا
فاتت ايام جميلة وصعبه وعصيبه و مليئة بالتعب و الاجتهاد و التعاون والتحفيز والخوف
واحيانا يحدث سوء تفاهم بيني وبين كاش وحدة واحيانا مواقف مضحكة واحيان اخرى مواقف محرجه ههه
كان عاما طويلا وحافلا جدا .. وهو على مشارف الانتهاء
شكرا لاني لقيت ناس يشاركوني الحلم ويشاركوني مخاوفي و يشاركوني الخطوات نحو الهدف
خرجت عن الموضوع قليلا لكن والله الكلمات استرسلت لوحدها
صحا عيدك استاذ صح عيدكم كامل ينعاد عليكم بألف صحة وسلامه
ربي يعلم بمكانتكم عندي
احبكم في الله