قصيدة شعبية(صدام يابو المعالي)من نظمي في2012
هانونا العديان بعدك ياصدام
رحمة ربي اعليك يابو المعالي
لعرب نعت التبن صارت كلحطام
والصحرا ماعاد تنجب رجالي
صارت النسوان من أهل المقام
موزه راها اليوم ترفع لي ايوالي
كرامتنا امسات من ماضي ليام
في هذا الزمان ماشي يحلالي
بعدك يا صدام أمة الإسلام
أنهارت كيفاه صارت فالتالي
صارت تل أبيب تنعم في سلام
والشيعه الأنذال عادو لبطالي
من بعدك لوطان صابتها لسقام
صرنا لليهود نرخس الغالي
لا قياده بعد موتك يا صدام
رانا تائهين في الثلث الخالي
في البيت الأبيض يشروهم بكلام
يجري لتل أبيب نفطن فلحالي
نازف فينا دم ما تحصي لرقام
أرامل وايتام تبكي لجبالي
القدس ودمشق عينيهم متنام
وارض الرافدين داسو لنذالي
واليمن كيفاه عايش في ظلام
وانكسرو جنحيه مالو أوصالي
باعوه الأوباش برخس الأسوام
شطروها أشطار أهل الضلالي
صارت قندهار كلش فيها احطام
شر الأمريكان ثاني الملالي
بعدك يا صدام أحنا كيليتام
صرنا فالحروب طير لحيجالي
ذلتنا ملوك كينعت الأصنام
ما تخشى ملعار مابيه اتبالي
جاكم ياعبيد م الله إنتقام
يا مولوك الخزي أرعو لجمالي
منكم مستحيل نعرفو مقدام
يلي اجلبتو العار أبذي لفعالي
من بعدك صدام أبكات الأنعام
ومعاها لشجار بالصوت العالي
يالله نترجاك ترفع ذي لقزام
عنا منها الناس ما واحد سالي
......ش/الصالح......ام الشواشي تارمونت...