السلام عليكم
عندي مدة وانا نجول في المنتدى
بصراحه.تعلمت منو بزاف حوايج خاصة فيما يخص الامور الزوجية .وكاين بزاف امور كنت نجهلها نبهوني ليها الاخوات .عرفت حقوقي مليح وحدودي عرفت الغلط من الصواب والحمد لله يكثر اخواتي في المنتدى....
لكن من أغرب ما سمعته صراحة منع الزوجة حماتها من الدخول الى غرفتها .وقالك ايضا بلي الكنة لازم تمنع أي شخص يدخل غرفة نومها حتى ولو تكون الحماة ولها كل الحق في ذلك ؟والغريب في الامر أن هذا الامر سمعته من طرف أربعة نسوة وكلهن مشاء الله عليهن .على قدر من العلم والاخلاق والادب والتمسك بالدين !!!
بصراحة لكان نقول لحماتي متزيديش تدخلي غرفتي تشيع عليا هذ الكلمة في المنطقة تاعي بل فالولاية كامل ونسقط من اعين زوجي .
ارجوكم فهموني هل انا مازلت متخلفةام ماذا؟
أرجو آراءكم يا نسوة
كما أرجو عدم دخول الرجال.