[ام سارة18]

السلام عليكم ورحمة الله وبركاته

اولا اتقدم بالشكر الجزيل للاخت زينب على طرح هذه المسابقة الرائعة اللي راح تعرفنا على مختلف الاطباق التقليدية من كل ربوع الوطن

واليوم حبيت نشارك بوصفتين بسيطتين من صنف الطمينة المعروفة في ولاية جيجل

الوصفة الأولى ( بوبخة)

هي طمينة كانو اجدادنا وامهاتنا يفطرو بيها خاصة في فصل الشتاء وهي مفيدة جدا والا كليتيها ماتحسش بالجوع خلاص ومكوناتها كالتالي :

- زيت زيتون

- بسيسة او مرمز (اختياري)
- تمر مقطع

- عسل (اختياري)

طريقة التحضير :

اولا غي كاسرونة حطي كمية من زيت الزيتون مع تمر مقطع على نار هادئة وكي يدفا الزيت صبي كمية من البسيسة (أنا استعملت البسيسة ماعنديش المرمز)

وبداي خلطي المكونات وطفي النار انا في الاخير ضفت ملعقة عسل والوصفة الاصلية بدون عسل

وها هي واجدة

الوصفة الثانية (الزرير)

هي عبارة عن طمينة نديروها للنافس او في الافراح والمولد النبوي الشريف وهنا في كل منطقة وكيفاه يسموها ومكوناتها كالتالي:

- سميد متوسط غير محمص

- سمن او زبدة

- التزيين اختياري مكسرات او زبيب او حلوة لي دراجي

[RIGHT] [/RIGHT

طريقة التحضير:

اولا في كسرونة تكون تقيلة اوكوكوط الا كانت الكمية كبيرة نضع الزبدة في الكاسرونة تدوب على نار هادئة وعندما تذوب نضيفو السميد ونحرك باستمرار ونلاحظ الزبدة تطلع لفوق ونحرك بدون توقف حتى تلاحظين بداية تغير اللون والخليط يبدا يخفاف رايحة تحسي بيه وانت تحركي المهم في هده العملية الاستمرار في التحريك بلا ملل والاغلبة ممكن يتساءل كيفاه السميد ماشي محمص نقولكم راح يطيب في هاديك

الزبدة

وكي تشوفي لونو رجع ذهبي فاتح نحوه من النار وخلوه يبرد جانبا حوالي ساعتين ولا ثلاثة وممكن الصبحية كامل

رايحين تلاحظو الزبدة طلعت فوق الطمينة بعد مابرد نزعوه ونفرغوه في قصعة

وبداي ضيفي السكر الناعم وحكيه بين يديك لمدة ساعة تقريبا كلما تحكيه ملما يجي روعة (وهنا السكر كل واحد وكيفاه يحب لحلاوة انت تتحكمي فيه كيما تحبي)

وفي الاخير التزيين اختياري جوز ولا مكسرات

وهاو الطبق واجد

ملاحظة : علابالكم بلي خاطيني الماكياج قصدي التزيين وان شاء الله يعجبوكم الوصفات البسيطة اللي قدمتهالكم كيما يقولو المهم المشاركة خخخ