[wassila21]

المشاركة الأصلية كتبت بواسطة سيريناdz

موضوع هايل بزاف وراني محتاجاتو باش نفرغ قلبي وبلاك نلقى اللي يلقالي حل

راني تايهة
انا من النوع اللي نحب نضحك ونحب نحكي بزاف وراجلي العكس نتاعي سكوووتي ومايحكيش بزاف
انا رومانسية وراجلي العكس ديما سيريو ويهدر عل الخدمة وديما ماهوش قاعد يخمم بزاف في المستقبل نتاعو
وهذو هوما حكاياتنا غير عل لافونير
وبالرغم انو مزال صغير في عمرو 24
هذه هي حالة الرجال تاع الجزائر الأغلبية ما يعرفوش الكلام الحلومع المرأة ، أنتي خليك عليك على طبيعتك ولفيله الرومنسية ديالك بالاك يتعلم منك،أنا هكذا كان خطيبي كنت نبعثله لي ميساج و ما يردش عليا و مع الوقت هو ألي أصبح يتغزل فيا و أنا حابسة،و بالنسبة لتفكيره للمستقبل عنده الحق يخمم من درك و يدير التاويل مادامه صغير ماشي حتى يجيكم الأولاد باش يولي يجري
والله حتان رجعت انا منحكيش بزاف معاه وبديت نهز طبيعتو اللي ماتعجبنيش
كيفاش نخليه العكس يحكي
وحاجة تاني انا فيا طبيعة ماشي مليحة مانتنازلش خلاص يعني لوكان يقلقني مانهزش عليه ولا نطفي البورتابل شهر ولا كثر مانسقسيش عليه
ومنبعد كي نحكي معاه يحكي معايا عادي وكانو حاجة ماصرات ويخليني ننسى الحكاية
حتان ساعات نحب نزعفو عن قصد باش نشوفو زعف مني
بصح عمرو مابينلي بللي راهو زعفان

ماشي كيما انا نزرب روحي ونبدا نشكي ونعيط وهو حتى صوتو مايرفعوش
يخسر علي غير كلمة وحدة كي يتنحا عليك راني نحكي معاك
يعني يقتلني بالبارد
أحمدي ربي أنه ما يزعفش عليك و لكن دوام الحال من المحال يجي نهار وين يتكلاطى و يفرغ هو ثاني، و الطبيعة تاع تسكري الهاتف في وجهه ماشي مليحة أبدا ديري روحك في مكانه، ماشي تغيظك عمرك؟؟؟؟
حكايتك تقريبا كيما أنا، كنت نشنف عليه بالخف و نزعف و هو ساكت حتى واحد النهار قالي واحد الكلام للآن نتفكره خوفني تاع الصح

طبايعو ماشي طبايعي مافهمتش شكون راح يوالف انا ولا هو
درك رانا تزوجنا ومازالت العقلية هي هي
هو يحبني بصح نقراها غير في عينيه وكي نقولو ديرلي حاجة مايحبش يقولي راح نديرها يعني مايحبش يبينلي بللي كلمتي الماشية عليه
ومنبعد يديرها نورمال
هذه الطبيعة الأغلبية عندهم باش ما يبينش بلي المرأة هي ألي تحكم فيه، حنا بابا يديرها ليما، تقوله يدير حاجة و ما يجاوبهاش و بعد فترة تلقايه دارها،
كاش وحدة هنا تفسرلي
انا منيش فاهمة واش ندير باش نكملو حياتنا بلا مشاكل

وبغيت نعرف اسكو انا اللي ماشي مليحة ولا هو

ياأختي درك راكي متزوجة لازم تتحملي و تصبري، حتى الناس تقول أنه أصعب سنة زواج هي السنة الأولى،
ربي يهنيك و يدوم المحبة بيناتكم ( أيا حاوزيني راني طولت هنا :d )