[فارس بني مازيغ]

و الله يا اخي اوشن كلامك يزلزل و الله قريتو حسيت شعري وقف و انا ديما نتابع في المواضيع تاعك و ما تقدرش تتصور قداه نحترمك و نحترم علمك و المعرفة تاعك و نحترم فيك ثاني الرغبة العارمة في التصحيح و كشف الاكاذيب لي ديما تنادي بيها و الدليل ان انت و زوز من الشباب اللمامشة درتو ثورة في منتدى القبائل العربية و البربرية و صححتو كلش و بينتو كذب و نفاق لي كنا امس نحسابو فيهم عندهم معرفة يقولولنا بلي كلش من الاعراب جيتو انتوما سكتوهم بالحجة و البرهان و واحد ما قدر يرد عليكم و هذا ايلا دل على حاجة راه يدل بلي انتوما اهل حق و اهل معرفة و الدليل انو ما قدر حتى واحد يبين تناقض واحد عندكم و كون جت هدرتكم فيها كذب و هف راه بان فيها تناقض و زيد انت شخصيا تحديتيهم في مناظرة اكثر من 2 مرات و تهربو منك و هذا معناه بلي راه عمبالهم بلي راك راح تغلبهم خاطر راهم ما علابالهمش وش راهم يكتبو راهم غير يكذبو و انت و عبد القادر كشفتو اكثر من 13 كذبة و تناقض و هوما ما قدرو يجيبوا منكم والو
بصح ما تشوفش روحك انت اخي عند ماستر في التاريخ و تدير ابحاث و عندك مراجع الله يبارك الناس راها ما تعرفش و هوما معذورين خاطر راك في تبسة و تشوف بعينك كيفاش ثما
انا شخصيا يا خي من تبسة عندي 3 سنين برك ملي عرفت بلي انا امازيغي بصح تع تبسة مدينة امازيغية راك وريتي هالنا انت اليوم واحد ما كان يعرفها و هذا دليل بلي رانا ما نعرفوش تاريخنا رانا جاهلين مع الاسف يخصونا ناس كيما انت يورولنا تاريخنا اصلنا يحكولنا منين جينا هذي الكل واحد ما يحكيلك عليها
يا خويا انت قلتي جمعية انا راني مستعد نكون معاك نلمو جماعة ولاد بلاد و مثقفين و نديرو جمعية توري للناس اصلهم و منين جو في تبسة علاش لا وش خصنا نحنا ولاد تبسة الناس مشي خير منا و على حساب ماراك تهدر و انا عندي ثقة فيك رانا خير من ياسر من الناس نتوكلو على ربي و نحاولو نريقلو الولاية تاعنا و نحاولو نحسنو الوضع عندنا