[رحمة من المولى]

السلام عليكم و حمة الله تعالى و بركاته أما بعد خواتاتي حوست على رشام سبيسيال ليا ما لقيتش لأني منيش مخطوبة وخفت إلا نطول و يديمودا اللي نخدمو هههههه و عليه قلت نعاودلكم مراحل بلوزة تاع بنت خالتي بالتفصيل.
نبداو على بركة الله:

الأدوات:
اشري ميترا نيلون - ميترا تيل أو التول و الكنتير كما تحبي إلا حبيتي تشارجي البلوزة في الصدر و الحزام و ثاني في أسفل القماش تاع البلوزة . راه غالي يتباع بالكيلو
العقاش حسب الذوق في الشكل و اللون
ابرة و خيط لتثبيت العقاش
مقص باش متقطعيش بسنانك الخيط هههه

العقاش

التيل


هاذو بالنسبة للأدوات
النيلون لازم من هاذا باش يجي الصدر واقف
راكم معايا و لا راني نهدر وحدي هههههههههههه