حبيبي
هي أكتر كلمة فلسطينية منتشرة في فلسطين
ولو تحكي مع أي فلسطيني أو فلسطينية رح تسمع كتير كلمة حبيبي أو حبيبتي...
بعرفش يقلك شكراً! لازم (شكراً حبيبي)..
وبتسمعه بقلك بدل مرحبا (إيش حبيبي أمورك تمام ؟ ! )
ولما تعمله معروف بقلك (حبيبي الله يسعدك ) ...
ولما تتقاتل معه وبدو يهددك بقلك (اسمع حبيبي) ، ولما بدو يسخر منك بقلك (شو حبيبي ؟!)
حتى لما بدو يعبر عن استغرابه بقول (يا حبيبي)،
مثلا (يا حبيبي على هالأزمة)
حتى لما يطلع ع بلد او مكان مثلا وبالطريق يكتشف انه ناسي هويته بقول للشباب (يا حبيبي نسيت هويتي)
حتى لما بدو يسكت حدا بقله (حبيبي ، بتعرف تخرس؟!)
ولازم ما ننسى أهم فقره لما ييجي واحد على مجموعه وفيهم حدا ما بيطيقوه بحكوله نيالك (اجا حبيبك)
يا حبيبي..