[كلنا راحلون]

المشاركة الأصلية كتبت بواسطة toulay

السلام عليكم
واشي هذا تقول صرات حرب كسروا كل شيء يالطيف
يعني بصراحة la génération تاع درك ربي يستر حاشا البعض
علابالك كنت نقري فالثانوية استخلاف كارثة تاع الصح نهار رجعت الاستاذة تاعهم شبعت فرحة ياويلي مشي عباد ومشي تلاميذ وحوش بشحهم ولحمهم وعظمهم ويردوا الهدرة
يعني قمة القرف لا احترام لا قدر لا تربية وكون تهدر معاهم ياكلوك ويبعلوك
ومبعد مين قاعدة نحكي مع لنعرف قلتلهم حنا بكري الاستاذ كنا نخافوا منو نموتوا مين يحكي معانا كلمة منزيدوهاش بالعكس والدينا يروحوا عندو ويقولولوا راهو ليك دير واش تحب شبعوا ضرب هههه
ودرك رد بالك تغلط وتقول كلمة هكذا ولا هكذا capable يستناوك مين تروح ويتحاموا عليك كامل خصوصا مين تكون غريب عن المنطقة هاذيك
من المفروض المدرسة راهو مكان مقدس لانو تماك الانسان يقرا ويتعلم
وكيما قالت الاخت وفالمسيرة تلقاه يقولك رانا حابين التغيير مدابينا يتنحا الفساد وحنا في حد ذاتنا لازمنا mise à jour
ربي يقدر الخير وخلاص
شكرا على الموضوع

وعليكم السلام تولاي فلموضوع سي با فري
شفتي وكأنها الحرب والخراب هههه يعني سلكتي بشعرة منهم
الله في عونكم معشر الأساتذة من كل الأطوار هذا الجيل هو نتاج الأسرة المنهكة فكريا تعرفي تولاي هذا الجيل للأسف ضايع فكريا لو نقولك متصدقنش انتشر بينهم الالحاد و شذوذ هههه وكارثة توجديهم يتفاخرون بأجسامهم بناء الأجسام ونشر صورهم فالفيس ولكن هههه هنا نحبس منقدرش نزيد تكمل في هد الأمر

اما لميزاجور تكلمتي عليه اول ميزاجور هو علينا كلنا اعتناق دييننا الاسلامي مهلا قلت كلمة اعتناق هل نحن مسيح او يهود لااا قصدي ظلمنا ديننا ولم نفهمه بعد وحصر فقط في الصلاة والصوم علاه ابو جهل رفض الدخول في الاسلام لأنه عرف دخول للاسلام تكون بحقها وكم اصبحنا من منسوخات ابا جهل ....توجديه يصلي ويحافظ على بيته ولكن يوسخ على جاره وفي اي مكان حل فيه خاصه ميزاجور توجديه يصلي ويقذف من دون دليل خاصه ميزاجور خارج فلمسيرة ينادي بتغيير وهو كسر مدرسته خاصه ميزاجور ملتحي وتقصير غشاش فتجارة او منصب عند الدولة يرتشي لا يهم نوع الحنس كان من امثلة كان او كانت فأول ميزاجور هو كلنا نعتنقو الاسلام


ادا بغيتي تسلكي منهم كطبيعة مهنتك اولا ضروري درسي في منطقتك وتعيدي بصحة والهنا