[IMG][/IMG] [IMG][/IMG] [IMG][/IMG] [IMG][/IMG] بزاف الاخوات يحبو يجربو الكيكة الاسفنجية بصح كي يلقاو فيها كرام فراش و كرام شانتي لمراهمش متوفرين عند كل وحدة منكم وعليه من جالكم عملت هذي الكيكة بلا هذو الكريمات و النتيجة هايلة ننصح كل وحدة تجربها و متهيبش . المقادير: 4 حبات بيض 4 مغارف كبار سكر 7مغارف كبار فرينة 1 خمارة -فاني . التحضير : في صحن نحط البيض و السكر و الفاني نضربهم مليح بالباتور حتى يتضاعف الحجم نتاعهم ثم نضيف الفرينة و الخمارة و نخلط بالمغرف غير بالعقل باه منخسرولهاش الهواء ثم نفرغها في سنيوة مدهونة بالزيت و مرشوشة بالفرينة ندخلها للفرن مدة 20 د من تحت تم نشعللها من فوق باه تحمار غي شويا . كي تبرد زوقيها كيما تحبي انا درت فوندون : سكر قلاصي مع شويا حليب و ربيت عليها شويا شوكولاتة و الاطراف شبحتها بشرلئح من المشماش وان شاء الله تجربوها و ترجعولي الخبر.