[ذبُــولْ ~]

المشاركة الأصلية كتبت بواسطة ( أبجَدِيَّاتٌ تَائِهَة )

لالا أختي ماناش كونتر الفريق ! (( راني نهدر على روحي باش نتفاهمو :d ))

أنا ثاني نحب البالو و نشجع ليكيب نتاعنا .. بصح باش توصل بيا الدرجة نخرج

برَّا و نعيّط في نص الطريق ( رابحين رابحين ) .. علاه وش ولِّيت هذا ، مافيا ؟ :d

أوك نشجعو الفريق و ندعِيولو بالربح بصح في اطار مُحترم ماشي بالعْياط

و الشطيح و الرديح

و الله انا كي نشوف حالة الشعب برّا كيفاه هايج نولّي نحشم

علاه شعب فرونسا يدير هكذا كي يلعب الفريق نتاعو ؟ طبعًا لا

- هذا و ما نهدروش على الكوارث و أعمال التخريب اللي جايّة -

اِن شاءالله تكوني فاهمتيني أختي ..

و ما تتقليش بزاف .. اختلاف الرأي لا يُفسد للود قضية

و تحيا الخضرة في خاطر كل محبِّي الفريق الوطني

راني معاك أختي في قضية السلوكات لي لازم نعالجوها بصح باش توصل بيهم يدعيو بالخسارة للمنتخب و يقولو آمين كي شغل راهم يدعيو على الفريق الاسرائيلي و واحد يقول نشالله يخسرو 3-0 بزاااااف .. وأسمحيلي مانقدرش نسكت ..
أما القلقة ماشي غير تقلقلت والله غير قريب تطرطقت .. بصح كي قريت الردود نتاع بقية الأعضاء صايي وليت لعقلي
مشكورة بزاف أختــــي ..
سلام كبير ليك