[توبة توبة]

المشاركة الأصلية كتبت بواسطة على رصيف الأمل

اهلا غاليتي والله فرحتلك من قلبي شفتي اختي النظر نعم الحمد لله لانو فرحتي وشفت من جديد
+
وعلاش تخافي اختي رانا هنا ونعاونوك ونشرحولك ونساعدوك ولي ثقيلة عليك خفيفة علينا باذن الله
+
بخصوص المحافظة على العدسات سهليها تسهل من الان فصاعدا اعتبرها جزء من حياتك وديريها اسلوب حياة هكا باش متخافيش منها وتتعودي عليه فقط ديري عادات صحية باش متاذيش نفسك ولا تاذي لالونتي لانو كي تتاذى لالونتي تتاذى عينك اوتوماتيكمون
المهم اختي
نصيحتي الاولى ليك حاولي تتعلي تلبسيهم ونظن راهم شرحولك ومدولك سيدي فيه الطريقة فقط فيديو السيدي هوما يقطعو لافونتوز انت متقطعيهاش اختي خليها كيما راهي
ايضا نظن قالولك بلي استعملي ديما فوطة كي تنحي وتركبي هكا باش متروحلك راني غير قاعدة نعاودلك باش تستفادي وشتفاي
بخصوص ليبرودي وشا مدولك gp procare progent B5 واش اكزاكت باش نشرحلك كيفاش تستعمليه
السيروم راهو حاجة مفروغ منها لانو تعمري لالونتي بيه
شوفي اختي لابوات معلاباليش ويناه لي مدوهالك
المهم انت فليل كي تنحي لالونتي ارمي البرودوي لي في لابوات واذا حبيتي شليها برودي مش مشكل من بعد حطيها في لابوات واغلقي عليها في الصباح استخدمي هذا لبرودي واغسلي بيه لالونتي يعني كوبيه عليها فرغي لابوات ومن بعد عاودي شلي ليلونتي برودوي جديد باش تضمني انها نظافت مليح تحبي تعاودي تعمري لابوات وتخبيها وفليل تحطي فيها او تخليها فارغة ولما تنحي لالونتي تكبي فيها برودوي جديد انت واش حبيتي دبري راسك اخي انا تبانلي خليها فارغة احسن
المهم نوصيك اطونسيون تغسلي لابوات ولا لالونتي بماء الحنيفية او ماء سعيدة اطونسيون خط احمر لانو بعةة مدة يديرولك ليشزنبينيون فيها وينتاقلو للقرنية وانت اصلا قرنيتك مريضة
المهم نرجعو للموضوع لابوات راهي كل يوم تتغسل بالبرودوي يعني رايحة تبقى نظيفة واذا شفتيها خماجت حكيها مليح بصباعك او بقماشة او اغسليها بيان ومن بعد عاودي شليها بالبرودي بلاكي تغسليها بالماء ومتفوتيش عليها ليبرودوي اختي
+
اذا وسخت بزاف بزاف غيريها هكا باش تضمني سلامة عيونك
ياريت تصوريلي ليبرودوي لي مدوهملك وليفونتوز ولابوات بون معلومة ليك في لوبتيك منقولو ش لابوات راني غير نشرحلك نسميوها étui ايتوي
+
نروح لسوالك الاثاني
اذا بقات لالونتي في نفس البرودوي لمدة ايام مرايح يصرالها والو مش شرط تبدليهولها لكن اذا طولت المدة بزاف مثلا 15 يوم واكثر الاحسن بدليهولها
وزيد وعلاش مراكيش ديري فيهم معرفتيش تركبيهم لروحك
خلي واحد من الدار يركبهملك
هي تجيك بيزار شوية المرة الاولى مي عادي توالي حتى لي يركبلك ساهل عليه فقط لما تركبوها حاولو متخليوش فيها ليبيل دار هذوك الفقاعات تاع الهوا باش متتجينايش
+
اهم سوال لي نسيت نسقسيهولك واش من نوع عدسة ركبي misa او icd
شفتي قعدت نشرحلك ونسيت هذا السوال هههه
+
لازم تتعلمي تلبسيهم شوفي اكميها صبحة كماملة او عشية كاملة ريحي في بلاصة الاز وين واحد ميجينيك وجيبي فيها فوطة وتربعي وتعلمي نحي وركبي نحي وركبي حتى تتعلمي
ذكرتيني بواحد لما كنت عندهم سطاج جا مسكين ميعرفش يركبها مرتو لي تركبهالو قالنا معدتش نتهاوش معاها ولا نقولها اي كلمة خاف لتزعف منو وتبطل تركبهالو هههه
الور انت لازم تتعلمي ومتخليش تاع الدار يركبولك هكا باش متسحقي مزية حتى واحد هههه
+
هي كيفكيف تغسليهم صباح ولا لعشية
مي انا ننصحك لاعاد بزاف لغبار وشفتيهم خماجولك في النهار كي تنحيم لعشية ديريلهم البرودي والمساج ميكانيك دوسمون متضغطيش عليها لا تكسريها ياخي قالوليك كيفاش تحكميها
ومن بعد شليها وحطيها في البرودوي في ليتوي
واذا كانو مش خامجين بزاف نورمال الصباح كي تنوضي اغسليهم وابسيهم
واي حاجة تسحقها اختي ولا سوال راني هنا
وسامحني هذي المرة طولت عليك خاطر كنت غايبة عندي شوية ظروف
رايحة نحاول ندخل باش نجاوبكم كل ما سمحتلي الفرصة
بانتظار اسم لالونتي والصور تاع ليبرودوي وليتوي تاعهم
سلام

السلام عليكم
شكرا لك على هذا الرد الجميل و الذي افادني اما بخصوص البرودوي ما عطاونيش الاصلي تاعهم قاتلي لانو مش راح تلاقايها بدلوهلي بواحد اخر

و فيما يخص الليتوي تاعهم


و هذي اللي نحطلهم كل شهر و قالولي ما تلقايهمش هنا جي تديهم من عندنا انا لكان نصيب نلقاهم هنا



و هذي الوصفة اللي تاع العدسات



ما فهمتش واش تقصدي بالعدسة icd و لا misa المهم انا اللي دارولي كبار يفوتو حتى لبياض العين
انا العدسات لما نحيهم يبقاو عينيا حمورا مدة يعني يبقى لطراس تاع العدسات هذي نورمال و لا نو
و قالولي ما تفوتيش بيهم 6 ساعات على بعضها و علاه و تحطيت في موقف مثلا و فوت المدة واش هي الاضرار
المهم كل معلومة تقدري تفيني بيها قوليهالي ممكن انا اسئلة ما تخطرش في بالي انت جاوبيني عليها
و جزاك الله الف خير