[الوهرانية الجديدة]

المشاركة الأصلية كتبت بواسطة yasmine yas

غراتان الجلبانة بالبطاطا و اللم المفروم بليز

غراتان بالجلبانة و اللحم المفروم مليح


حطي البصله صغيرة مرابية مع قليل من الزيت غليهم مليح
صفي الجلبانه غليهم مليح حشاوش بيهم باغصان نتاوعهم غير شوي برك باش يطلقو البنه
اضيفي الملح و مغرف صغيرة سكر و طماطم مصبرة و مااااااااااااااااااااااااء
خليهم على جيه
روحي للحم المرحي نتاعك ديريله مغرف خبز يابس فلفل اسود كمون المهم قاع واش عندك هههه 2 سنات او 3 ثوم
حبة بيض او نصف ضورك على حساب اللحم الي عندك
خلطيهم مليح كي تشوفي الماء هذاك اطبخ كوري اللحم نتاعك و حطيه في الكيكوت نتاعك كي تكملي سكري عليهم
كي يكيب الجلبانه نحي منها هذوك ليبول نتاع اللحم
صفي الجلبانه من المرق
جيبي المول نتاعك المستطيل ادهنيه بالزبدة ديري طبقه جلبانه و ستفي ليبول نتاع اللحم في نصف المول على الطول متخليش فراغ
على جوانب كل كورة حطي فرماج نتاع لافاش كيري اي حبه اقسميها على 2
كي تكملي عاودي حطي الطبقه اخري نتاع جلبانه الي كويرات قاع يتغطاو

ضربي 4 او 5 بيض هنا على حساب كبر مول نتاعك مع 1او2 مغارف من مرق فتيته ملح
و فرغيهم عليه و ادخليهم الفرن على نار هادئه تخرج احسن وكي تقطيها تتقطع بلا ما تتكسر احسن من النار العاليه
راح يتحرقولك جوانب وجي ثقيله
المهم
هذيك لاصوص وادا قعدلك شوي من جلبانه عقديهم باش تحطيهم في الصحن وكي تقطعيهم فرقي شويت لاصوص عليهم من فوق
تقدري في مكان كويرات الي مزوقه بيهم الصحن انك تحطي بطاطا مقلية على جوانب قاع

راني شرحتلك بتفصيل الممل