ولو أني خرجت على الموضوع،امهات حبيت نطرح موضوع على الصلاة ،كاين بزاف نساء وخاصة المرأة كي تعود تربي،أغلب وقتها تتفرغ للبيبي،وتتهاون على الصلاة ومتصليش في الوقت حتى أنه كاين لي متصليش،اخلاص،بحجة،رتني مرقدتش وعيانة،.حبيت نقولكم نصيحة لي ولكم ،متخلوش الصلاة،هي عماد الدين ،كي تصلي يا اختي في الوقت ربي سبحانه يستجبلك دعاءك،ويعطيك الرزق،ويعطيك واش تسألي،ويلا اخرتيها،راح كلش يتأخرلك،صوا،في الرزق،أو الاولاد،أو الزواج أو أي حاجة تتمناي تحصلي عليها.والاهم انه اول حاجة نتحاسبوا عليها في القبر الصلاة.الصلاة تنهى عن الفحشاء والمنكر،علاش مانظموش وقتنا وصلاتنا،نأدوها في وقتها واش راح تخسري كي تطلقي من يدك هذاك الشغل،لي لا يغني ولا يسمن على جال مانبا 5 دقائق للصلاة ،تربحي،دنياك واخرتك،اسمحولي بالاك معرفتش نوصل بصح متنساوش،الصلاة في وقتها خير من الدنيا وما فيها.ربي يسمحلنا،على تقصرنا،ويهدينا ويرضى عنا يارب.