[hind mimi]

المشاركة الأصلية كتبت بواسطة ابو سليمان10

انا و انتي نفس الشىء..انا ايضا اعمل و اخرج....انا و انتي بحاجة ان نتزوج امراة من نفس النوع نجدها في البيت عندما نعود من العمل

يلا راك تخمم بلي البيت هو مكان المراة ... ما تتجرأش تبعث بنتك تقرا و تتعلم .. على خاطر عيب تخرج لازم تبقا فالدار تطيب حتى يجي رجل الاحلام يعيشها فالجحيم اللي هو الهناا اللي راك تهدر عليه انتا
و الهدرة تع اتزوجي امراة من الافضل ان لم تنطقها لانها دلت على سطحية تفكيرك للأسف ... اذا كنت تعتقد اني لست امراءة في تفكيري فتاكد ان تفكيرك لم يصل حد الرجل ولا حتى المراهق ... لذلك من الافضل انا لا اضيع وقتي في النقاش مع العقول المتحجرة .... و كماذكرت سابقا كاين الملايين من البنات راهم فالدار روحوا ليهم و ما تتهجموش على البنات لي ناويين في حقهم من الخدمة لان هدا ببساطة اعتداء عل حرية الغير ... بالاضافة انه ليست كل البنات متشابهات قادر تلقاها تخدم مع الرجال و عفيفة خير من وحدة قاعدة فالدار و تخون فيك كي تروح تجيب خبزتك و مارانيش نعمم... انا كفتاة بالغة و جامعية ارى انه ليس لي حق في البقاء في المنزل مع كل التعب اللي بذله والداي في تعليمي و بعثي لولاية اخرى بعيدة كل البعد عن ولايتي بالاضافة الى كل التعب و الليالي البيضاء و القهوة و هبوط و السكر في الدم و ضغط الدم و الصعوبات النفسية و ليالي من البكاء و النحيب وحدي و التي تجاوزتها وحدي و التي لم يحس بها لا انت و لا غيرك في سبيل ان احقق حلمي و حلم والدي باش نداوي الناس بفضل الله و نولد مرتك ولا بنتك مستقبلا و ندي الأجر عليها باش ميلمسهاش طبيب خاطر هدا عيب اكبر .. و في الأخير تجي نتا تقولي ابقي فالدار.. من اين لك بهاته الجراة ... يجب ان تعترف ان للمراءة دور في المجنمع و ربما اكبر من دورالرجل بحد داته .. و لازم تنحي العقلية تع الراجل خير من المرا ءة .. و المراء ة عالة على المجتمع ... ومن الأفضل ان لا نترك عمل المراءة و الزواج هو محورنا الدائم في الحديث لاننا بهدا لن نحقق اي تطور بالعكس ... مجادلة ناس مثلك لا تضيف غير تكسار الراس ... و ربي يعين بناتك
. . .. . .. .. . . . . و بالنسبة لوحد الاخ من فوق قال الطبيبات ماش صالحين .. مع انه تقليل من مستواي أن ارد عليك ... حبيت نقول بلي كاين طبيبات فحلات و نقيات و متواضعات خير من الطفلة اللي شادة الدار .... انا وعد مني راجلي نديرو في عينيا و نقدر باذن الله نوفق بين الخدمة و الاعتناء به و البيت .. شرط ان يكون صالح و بالذات تخمامو ماشي كيما تاعك ... هدا ما اردت قوله ولا اظن انني سوف ارجع الى هذا الموضوع مجددا ... و ربي يهدي ما خلق