السلام عليكم و رحمة الله تعالى و بركاته .................................................. .... اللهم صل و سلم على سيدنا و نبينا و حبيبنا المصطفى محمد صل الله عليه و سلم .................................................. .. بمناسبة المولد النبوي الشريف حبيت نقترح عليكم هاد التحلية رائعة و رائعة ما عندي ما نقول فيها سهولة و بنة و غنية و بمكونات بسيطة نتمنى تجربوها و تردولي بالخبر و للأمانة شفتها في قناة سميرة المكونات كمية من التين المجفف الي يتباع يابس 03 ملاعق كبيرة مايزينة ( نشاء ) 07 ملاعق كبيرة ممسوحة سكر خشن 01 لتر حليب مغيرفة قهوة فاني الطريقة ننقع التين المجفف في ماء مغلي نخلوه اكثر من ساعة في هاد الماء يعني نغلي الماء و نحطو بجيه و نضيف له التين و نخليه يترنخ ماشي نطيبوه هادي النقطة مهمة جدا حبيباتي و من بعد نقطعوه قطع جد صغيرة و في هذه الاتناء نخلط مليح الحليب مع مايزينة و السكر بارد في بارد تم نحطه فوق النار و نبقى نخلط حتى يبدا يثقال المزيج نضيف الفاني و التين و نبقى نخلط ثواني فقط و نحيه من فوق النار و من بعد حوالي خمس دقائق نحطه في كؤوس التحلية و نزينه حسب الرغبة انا زينته بشوي رمان و فوقه شوية لوز مطحون و نحطه في الثلاجة الى حين التقديم للعائلة الكريمة و بالصحة و الراحة و الصور أخواتي الكريمات توضح في أمان الله