حبيتو نحكيلكم على تجاربى الفاشلة ههه بصح خلوها بيناتنا مرة كنا فى رمضان واقترحت على امى انى نعمل كل شئ وقلتلها اقعدى وبرك واياكى تدخلى المطبخ المهم راحت وخلاتنى وانا زعما حابة نبين شطارتى رحت درت عدة اطباق حريرة وجواز وسلطات وبيتزا وزدت زعمة مالفهامة قلت نعمل ماقارون بيشامال لكن للاسف من كثرة الاطباق فقدت التحكم وجيت نشوف المقرون فى الماء صبتو عجين بديت نخمم واشندير اذا رميتو ماما اكيد تشوفو واذا خبيتو راح تحوس على علبة المقارون حرت واشندير هههههه امالا جاتنى فكرة جبت الفرينة وعجنتو وجانى صعيب شوية المهم عجنتو وعملت خلطة بالتونة ورديتو كيف المقبلات وقليتو وخلاص كى حطيت الطابلة كامل بداو يسقسو عليه واش هذا ههههه ويما تاكل وتقولى بنتو مش غريبة عليا هههههههه خليتهم كى كملو الماكلة ورحت قولتلها معلابالكش ياك بنتك كل صباح بصنعة المقارون تقلبو بيتزا هههههه وانكشف السر بصح بهدلتنى مزال لحد الان تفكرنى بيه