ربي يوفقكم ان شاء الله راني حاس بيكم....شوفو راني مانعرفش نعبر لكن و الله راكم في القلب نتمنى ربي مايحرمكش من فرحة الباكالوريا ’ و نوصيكم اتهلو في بعضاكم اقرو مليح و اعتمدو على الملخصات راهم كاينين في الانترنت حوسو عليهم , و ردو بالكم لا تياسو اذا لقيتو صعوبة لانه دائما كاين البديل و المواد تكمل بعضاها
لي راه روطار ثاني ماتفقدش الامل مازال كاين الوقت نظم وقتك و معليش تثعب شوية الايام هاذي و ان شاء الله تريح من بعد الفرحة ...لكن نوصيكم لازم تدو شوية راحة باه تريحو عقولكم ديرو رياضة و تهاودو منين داك في رحبة نحو على بالكم شوية
.....و اهم شيئ توكلو على ربي و ادعوه يسهللكم هو مولاكم و ردو بالكم من السلبية و من الناس لي طيح المورال ...ماتسمعولهمش ’كونو دائما اجابيين راكم تقدروا تنجحو ان شاء الله ,حنا نجحنا قبلكم و ماناش خير منكم انتم ثاني تقدرو تنجحو
.
.
تحياتي ليكم من استاذ الهندسة الميكانيكية