السلام عليكم
المكملات الغذائية المتادولة بشدة هي البروتينات لصعوبة الحصول عليها بالطريقة الطبيعية لغلاء أسعارها مثلا أو لاقترانها بالدهون
وكما نعلم أنو العضلات هي التي يتم بناؤها بالبروتينات بالإضافة غلى امور أخرى طبعا
يعني نتا كي تاكل المكمل الغذائي وماتمرنش العضلة تاعك راك ماش رايح تستخدمو في بناء الكتلة العضلية
يعني راهي خسارة دراهم باختصار
لأنو جسمك رايح يستخدمو في الترميم والباقي يستهلكو كطاقة أو يتم تخزينه
وبما أنك انسان أصلا نخيف فاحتمالية أنو نسبة الايض تاعك راهي عالية تكون كبيرة يعني احتمال كبير ماش رايح تسمان ولو بالدهون حول كرشك
يعني الخلاصة إذا ماش رايح تدير تمارين رياضية بالموازات مع تناول المكملات الغذائية، غير ماكلاه
اضرب النشويات الموجودة في الأكل تاعنا العادي مثل اللوبيا والعدس والحمس والفول والجلبانة والخضار كالبطاطا أحسنلك مع شويا دجاج او بيض وسمك...
خيرمن تخسر دراهمك
أما إذا راك ناوي تدير التمارين الرياضية فأظن لا مانع في ذلك
مع أنني أنصح أنك تبدا بالأكل فقط أولا حتى تتعلم كيفاه تاكل مبعد اذا مالاحظتش نتيجة يمكن أنك تزيد في استهلاك البروتينات
لأنو يقوللك كمبتدئ لازمك تستهلك واحد غرام من البروتين لكل واحد كيلوغرام من وزنك، ثم ترفع هذه النسبة إلى واحد ونصف وتقدر حتى توصلها إلى ضعف وزنك مع الوقت
أنا لم استعمل المكملات الغذائية في حياتي بالصح هذا ما اسمعه من المدربين وخبراء التغذية والله تعالى أعلم
وهي غير مضرة بالمناسبة