السلام عليكم
اقتباس:
المشاركة الأصلية كتبت بواسطة saousane ch
شكراً أختي لأنك وجهتيني لهذا الموضوع ...بالفعل شيئ مخجل أننا لانستطيع كتابة رسالة ..ذركة خلاص رانا تعلمنا والحمد لله والفضل يعود لكي ..حقا ربي يجازيك على هذه الاعمال المساعدة لنا ..*--*
|
ولما الخجل غالتي واحد مزاد متعلم العلم يكتسب
الخجل انو نرفض التعلم ودائما نطلب الشيء ولا نتعلمه
الحمد لله انو افادك المضووع ربي يوفقك غاليتي
اقتباس:
المشاركة الأصلية كتبت بواسطة وحي الخاطر
عندك الحق ... عيب وحشومة متخرجي جامعااات واصحاب شهادات عليا
طلب خطي هو الاخير مانقدروش نكتبوووه ... الله يهدينا
يعطيك الصحة خيتي بارك الله فيك
|
اهلا اخي وحي الخاطر
شوف اخي والله شوية علينا وشوية على النظام تاع التدريس
لانو الطلبات الادارية تدرس في الثانويات بكل اشكالها ولكن جل الاساتذة ينحيوها من المقررات
شخصيا متعلمتهاش في الدراسة لانو نشفا انو مرة حكاولنا عليها في ساعة وهو غير كافي باش تتمرس عليها
ايضا للاسف الطلبة معادوش يهمهم يتعلموا مثل هذي الامور ويطوروا رواحهم همهم الوحيد انهم يجيبو العشرة ويتخرجو ويحوسوا على الخدمة وهذي للاسف اهداف سياسة التجهيل المطبقة وبلا ما ندخل في لي ديطاي لنكتب كتاب لانو قلبي واجعني
فبالتالي يخرج الطالب من الجامعة وهو مقفول على الاخير ومهو فاهم فيها والو
لما يتوجه للعمل او لطلبه يلقا روحو آووووت
وكانين حتى متخرجين يرفضون التعلم حتى من القدامى
وللاسف الادراريين القدامى والعمال القدامى ميستعرفوش بهذي الفئة ويديو نظرة عامة على الجامعيين ويقولو علينا كامل انو مناش نيفو
ويروح الصالح في رجلين الطالح
وهذي هي جزائري الحبيبة
لذلك لازم ننهضو بنيفو الجيل تاعنا ونقيوه لعل وعسى ولربما يتحسن مستوى الفرد ولبلاد
شكرا للمرور اخي
احتراماتي للجميع