منتديات الجلفة لكل الجزائريين و العرب - عرض مشاركة واحدة - موضوع مميز الجزء الثالث من وصفات حراير واش طيبتي اليوم

idron0 · 2016-02-03, 19:02

لكرام كرامال تاع أمي اسيا 27

هي تديرو بطريقة مختلفة فيه المايزينة و الجوز الهند زيادة على الكرام كرامال العادي
اولا تغلف القالب بورق الألمنيوم
الكرامال :نص كاس سكر مع مغرفة ماء تحطيهم فوق النار حتى يولي لونو بني وتفريغه في القالب
الكرام :
750 ml حليب تحطيه فوق النار مع كاس صغير جوز هند و كاس صغير سكر وتخليه حتى يقرب يغلي
خلطي 4 بيضات مع 2مغارف مايزينة معمرين مليح زيدي هاذا الخليط فوق الحليب و السكر و جوز الهند قبل ما يغلي وحركي فيه حتى يثقال كيما الكرام باتيسيار من بعد فرغيه فوق الكرامال و دخليه للفرن يطيب في حمام مائي حوالي 45 دقيقة حتى لساعة
تشوفيه نشف من الفوق و بدا يتحمر شوية
لازم يبرد مليح قبل ما تقليبه.

إضغط هنا لرؤية الصورة بحجمها الطبيعي.