انا نمدلك المعقودة نتاع السيدة الفضيلة رزقي :غلي البطاطا بقشورها + ملح ... كي تبرد شوية قشريها و عفصيها ما دامها سخونة بالملعقة الخاصة نتاعها ولا بالشوكة ولا مباشرة في الرحى ... كيما تبغي ... قطعي فيها بصلة صغيرة مربعات صغار + 2 سنات ثوم + شوية معدنوس رقيق + ملح لاكان خاص + قرصة فلفل اسود + قرصة فلفل عكري (احمر)+ 1 بيضة كاملة +صفار بيضة + 3فرماج مربعات ...و لا فرماج رابي مقدار 2 م ك ...و لا 4 vache kiri.... خلطي مليح و لا كانت البطاطة يابسة ... هنا على حساب مقدار البطاطة ... زيدي غير بالصفار نتاع البيض ...ومن بعد شكلي كويرات بحجم حبة الخوخ وفوتيهم قبل في الفرينة ... و ابلاتيهم ثم البيض مخفوق ... ثم الشابلير ... وقليهم على نار متوسطة ...
رايحين يجوك هايلين ... ما يتفتحو ... ما يتفتو
انا معتمدة هادي الطريقة في شحال
وكاين وصفة للاخت ياسمين 26 ... تقول كي تشكليها كويرات وجدي une pate a frire اغطسيها فيها واقلي طول ... راهي جيها قشرة صغيرة ... شوفي في وصفاتها بعنوان ياسمين 26 تجيب على استفساراتكم
انشاء الله نكون فدتك والاخوات .... سلام