[وئام الروح42]

المشاركة الأصلية كتبت بواسطة سيريناdz

موضوع هايل بزاف وراني محتاجاتو باش نفرغ قلبي وبلاك نلقى اللي يلقالي حل
راني تايهة
انا من النوع اللي نحب نضحك ونحب نحكي بزاف وراجلي العكس نتاعي سكوووتي ومايحكيش بزاف
انا رومانسية وراجلي العكس ديما سيريو ويهدر عل الخدمة وديما ماهوش قاعد يخمم بزاف في المستقبل نتاعو
وهذو هوما حكاياتنا غير عل لافونير
وبالرغم انو مزال صغير في عمرو 24
والله حتان رجعت انا منحكيش بزاف معاه وبديت نهز طبيعتو اللي ماتعجبنيش
كيفاش نخليه العكس يحكي
وحاجة تاني انا فيا طبيعة ماشي مليحة مانتنازلش خلاص يعني لوكان يقلقني مانهزش عليه ولا نطفي البورتابل شهر ولا كثر مانسقسيش عليه
ومنبعد كي نحكي معاه يحكي معايا عادي وكانو حاجة ماصرات ويخليني ننسى الحكاية
حتان ساعات نحب نزعفو عن قصد باش نشوفو زعف مني
بصح عمرو مابينلي بللي راهو زعفان


ماشي كيما انا نزرب روحي ونبدا نشكي ونعيط وهو حتى صوتو مايرفعوش
يخسر علي غير كلمة وحدة كي يتنحا عليك راني نحكي معاك
يعني يقتلني بالبارد

طبايعو ماشي طبايعي مافهمتش شكون راح يوالف انا ولا هو
درك رانا تزوجنا ومازالت العقلية هي هي
هو يحبني بصح نقراها غير في عينيه وكي نقولو ديرلي حاجة مايحبش يقولي راح نديرها يعني مايحبش يبينلي بللي كلمتي الماشية عليه
ومنبعد يديرها نورمال
كاش وحدة هنا تفسرلي
انا منيش فاهمة واش ندير باش نكملو حياتنا بلا مشاكل
وبغيت نعرف اسكو انا اللي ماشي مليحة ولا هو

سيرينا وشراكي حنونتي
سيرينا انا نقولك ماتنسايش راجلك الله ايبارك مازالوا صغير 24 سنة مازالوا طموح حاب اعيش اشياء حاب اخطط لحياتوا
انا نشوف الوضع عادي
وكيما قاتلك وسيلة اول سنة في الزواج هي الاصعب حاولي انك تكسريلوا الروتين
خمي في حاجة تبدليلوا فيها لبروقرام وتشوفي بانوا هذاك النهار يحكيلك على الاحاسيس