ذكرتنى اخى بموقف حصل لى لما كنت صغيرة حوالى 6سنوات المهم كنت فى دار جدى وفجاة جات ضيفة واستقبلوها فى الغرفة وحطو القهوة وكلش كانت قاعدة امى وجداتى رحت انا قعدت قدام الضيفة وكانت عجوزة كبيرة فى السن قعدت وهى دايرة فولارة وانا شفت شعرها احمر ضفيرة صغيرة كيما راك عارف العجايز زمان يديرو حنة المهم انا حرت وبديت نخزر فى الضفيرة وامى لاحظت ممبعد لم اقاوم ورحت مسيتها بيدى وبديت نشوف ونقارن فيها مع شعرى ههههههههه المرا مطلقتهاش كامل تقول رانى نستكشف ههههههه يما وجداتى وجهم تبدل ولا احمر مالحشمة بهدلتهم ومحبيتش نحشم حتى يما اداتنى والضيفة تقولهم خلوها كارثة كى نتفكرها نموت بالضحك