السلام عليكم
انا شابةمتحص لة على شهادة ليسانس في علوم الاعلام والاتصال عمري 22 سنة متزوجة
شوف ياخويا انا ضد المراة تعمل وهدا رايي الشخصي لانوا ربي اعز المراة بالبيت والتربية وخلاها كالملكة كلش يجيها ليها علاه عليا الشقى وانا ربي هناني مع العلم انني بكل ارادتي الحرة تخرجت وتزوجت مباشرة ليس لشيئ بصح انا امي عاملة نهار كامل تجري مع الخدمة انا ماحسيتلهاش كامل نفلرح كي نشوفها فالدار ودير فالعشاء ولا الفطور وعلى هدي حلفت مانخدم ماندير لولادي هكدا وهده وجهة نظري انا فقط علاه مانقعدش فالدار مهنية ومقيمة روحي وراجلي يخدم ويجيبلي اللقمة اللي كتبهالي ربي ونعيشوا كيما كتب ربي هدي الدنيا منيش راح نديها معايا الدنيا فانية انا قريت برك باه نكون واعية ونكون دات شخصية ومثقفة كي نتكلم نعرف نوزن كلامي ونعرف كل شي ونعرف نقري ولادي ونربيهم انا وحدة نحير على المراة اللي تحوس على الحرية بالعمل والزنقة ياختي الطريق معمر بالهدرة الغير لائقة وخلي المعاملات وراني كنت نقرا وشفت العجب علاه نشقي روحي نقعد فداري وراجلي يجيبلي كلش وانا نطيب وداري مفتوحة للي يقصدني وراجلي كي يجي يصيبني موجدة كلش وفرحانة برجوعه انا عندي حريتي في بيتي وعندي انا كي نكبر ونلقى ولادي فكتافي والاغلبية تاع الخدامات ولادهم صغارات كبرتهم الدنيا وكلاتهم الخدمة انا راح نكون الفايزة
مع الاخير هده وجهة نظري وارجوا انوا تحتارموها وانا مانحبش نخدم فنيانة ليس بضروري لازم تكوني كيفي لالا كل واحد حر برايه