[♥ وآثقة الخطــــى ♥]

1- المقالة الجدلية: هل.. حلل وناقش

في طرح المشكلة:عندك لازم ادير تمهيد وظيفي يخدم المقال يعني لازم تكون عندك معلومات سابقة عن المشكلة المطروحة

في محاولة حل المشكلة: عندك رأيين متناقضين تبدا بالاول فيهم وتعطي عليه الحجج والبراهين والاقوال والامثلة

اومبعد كي تكمل الراي الاول يجي النقد تاع هذا الراي يعني راح تقول بلي هذا الراي راهو غير صحيح تماما ويكون النقد شكلا ومضمونا

ثم تبدا بالراي الثاني وبنفس الطريقة تهدر عليه وتعطي الحجج والاقوال والبراهين والامثلة

ويجي اومبعد النقد تاعو بنفس الطريقة تقول بلي راهو غير منطقي ولا غير مؤسس وتعطي حجة مقنعة

اومبعد يجي التركيب : في التركيب راح تمد الراي الاصوب من بين الرايين وهذا اكيد تكون تطرقت ليه في القسم من خلال ماتناولته من دروس وربما يكون كلا الرايين خاطئين ويجي الي يصححهم فهمتني؟؟

اومبعد تجي حل المشكلة او الخاتمة: تعطي فيها صفوة القول والراي الصحيح ولك ان تتوسع فيها كما تشاء وماتخليهاش تضيعلك لانو عليها 4 نقاط و4 نقاط راهي مهمة جدا


يتبع مع بقية الطرق