سلام عليكم
رمضان عندي من افضل الشهور
دوك نبدالك كيفاش يكون يومي المهم ماتمليش
اولا نوض قبل من الصحور على الاقل بساعتين نصلي و نقرى القرآن
ومن بعد نوجدوا الصحور حبيت نقولك بلي عندنا لازم يحضر في الصحور مسفوف بالزبيب و الرايب والحوايج لوخرين كيما كامل الجزائرين
بعد الصحور نقري القرآن و النصلي و انا من النوع لي مايوليش يرقد في الصحور
المهم من بعد الصلاة حتى لسابعة نقرى قرآن نقرى الجرنال و نقرى الكتب و على السابعة ندوزن الشربة فريك وهي ترافقنا شهر الكامل
روح نخدم على التاسعة و شحال يعجبني الحال كلش مسكر طريق هادية
في الولاية تاعنا الوالي اعطى ترخيص لنساء لي يخدموا في الادارات يخرجوا قبل من الرجال بساعة وبصح المدير تاعنا كان كريم بزاف زادنا ساعة من عندوا
حنيا نخرجوا على ساعتين و رجال على الرابعة مساكن كل رمضان يحسوا روحم محقورين والحاجا لى نتميز فيها في رمضان اني مانشتيش نكثر هدرا كلشي بلحساب
نروح على ساعتين نصلي و من بعد نسمع واحد الحصة جي في الاذاعة تاع الطبخ ولازمني نرقد على الاقل نص ساعة
من بعد راكي تعرفي لكوزينا و في دارنا لازم كامل نتعاونوا في لفطور مانقصدش رجال
حجا لي تميز ولايتنا هي لازم نكون في الطابلة شربة فريك مطلوع خبز الدار و كسرة خميرة هذو لزمين و الباقي كيما كامل الولايات
هذى العام كي كنا نفطروا ديما نتفرجوا رسوم متحركة يهدر على قصص الانبياء
مشكلتي في رمضان اني نفقد الشهية مانكولش ديسير و الزلابية و صباع لعروص و الفلان و حتى ماء مانشربش بزاف يقولولي عايشى قدرة الاهية
انا مانقدرش نسهر بعد صلاة عيشاء نقرى قرءان ونصلي تراويح ومن بعد نرقد قبل من غاشي
في رمضان نشرى جرائد كامل لي يهدروا على الطبخ و زيدلهم تاع الدين