يا خاوتي
كيما علابالكم العوج و الكذب هو شعار وزارتنا العزيزة حنا مدرناش الاسترة قع و قلنالهم مردناهاش وكاينين مناطق و الله ما كملت الميكانيك ومع ذالك الوزارة قالت في تصريح حصري انو الدروس المقررة في العتبة قد انجزت بكل الثانويات شوفو الكذب بعينيه
مالا حبيت ننصكم يا خاوتي احفظوو قع البروجرام اصلا العتبة هاديماهي حتى عتبة ما عندهم ما نحووووو اذا تقدروو زيدوو راجعو الدروس اللي معطاوهاناش في العتبة لانو الوزارة تكذب و تتعوج العام اللي فات قالت القضية الفلسطينة مش داخلة ودخلت و قالت الاسترة مش داخلة و جات و قالت حجة الوداع مش داخلة و جات و و و و و
مالا باش تتفاداوكل شي متبقاوش طلعو و تهبطو على العتبة راجعو كل شي باش تروحو للباكو انتوما مطمنين مش تروحو و انتوما شادين قلوبكم يا رب ميديروناش كذا يا رب ميدروناش كذا
احفظوو راجعو كل شي و روحوووو حنا من ذاك العام نمتع ميزيرية حنا مش طلبة حنا طلابة ودايما مهمشين ومحقورين مالا راجعو كل شي و روحوو و فرات
انا قبل الباك متأكد راح نهبل نص الدروس راني نافيغي منهم من النت و انشاء الله تعقب على خير