[أم دارين]

المشاركة الأصلية كتبت بواسطة أبوعبد اللّه 16

يا حصراه على هداك الزمان. راني شافي، بصح نسيت.
اضحك الله سنك اختي.
معليش بما انك اكثر مني علما، اصبري علينا شوية

السلام عليكم
يا أخي علاه أول متتحاوروش بلغتنا بلغة بسيطة علاه تحبو تكوبيو وتكوليو الكلام من الانترنت
وفقصة الاختلاط كل واحد يدخل يجيب مقالة لفتوى شيخ ويلصقها
اللي يقرا الردود يقول ما شاء الله عندنا علماء
لكن اللي الناس متشوفوش هذه الفتاوي فأي زمان ومكان قيلت
نحن نعرف أن الدين لا يتعلق بمكان أو زمان
لكن الأمور تختلف
إذا فالسعودية عندهم الأمر محلول ما كانش اختلاط مع أن البلاء هناك حدث ولا حرج وما خفي أعظم
الجزائر الواحد ما يقدرش يطبق فيها نفس الفتاوي لأنها ليست نفس الظروف
والتغيير ماشي بين ليلة وضحاها
لكن خليونا نتحاوروا ونحاولوا نلقاو طرق
لأنو قبل ما نوصلوا لهاد النتيجة لازم الشعب يتربى
التربية عنا مكانش والاحترام صفر
اتكلموا عن الحجاب والسترة باش البنات تستر روحها
اتكلموا مع الشباب والرجال أنهم يغضوا البصر وهكذا

ماشي احنا عايشين فمجتمع السترة مكانش والتربية مكانش
وتجيو تقولولهم يا جماعة الاختلاط حرام
شكون رح يفهمك كهذا؟؟؟؟
النصح يبدأ خطوة خطوة
والدعوة تبدأ خطوة خطوة
حتى رب العالمين لم ينزل القرآن فليلة واحدة
ولا الرسول صلى الله عليه وسلم حرم كل شي من أول يوم
لكن بدأ خطوة خطوة
كيما قالوا الصحابة كان يفرغنا ثم يملؤنا
إذا حبيتوا شعبنا يتغير ابداوه خطوة خطوة
واصبروا عليه
ابتعدوا عن السب والشتم وفلان كافر وفلانة منعرف واش
لأنو الله سبحانه وتعالى وحده أعلم بخلقه
زي أنك واحد ميصليش تقولوا صلي النوافل
يعني إذا هو الفرض ميعرفوش رح يعرف النافلة
والحديث قياس وهذه الأمثلة البسيطة تنطبق على حياتنا اليومية

والكلمة الطيبة أساس كل شيء
والتعصب راه يهدم كل شي

والله يعينا ويعين الجميع يا رب العالمين