السلام عليكم البنات و اخواتي كامل ...و الأستاذات طبعا .... الدرس التطبيقي الثالث لي كامل تحمسنالو .....كان العمل به ممتع و كل وردة نخدمها أو ورقة ندعي بالخير للأستاذات الكريمات (أستاذة دولي في هذا الدرس - أستاذة سندس ، أستاذة أم سفيان ، أستاذة فيفي ) و جميع البنات للتفاعل تاعهم و أفكارهم اولا هذه أدواتي و الأشرطة المستعملة ثانيا : الرشمة أخذت رشمة الأخت هدايات و درت فيها بعض التغييرات ، خاصة باه ميكونش الفراغ كبير بين الوردات الوردات مع الأول جربت الوردة ب 7 بتلات معجبونيش بزاف مالا راكم تشوفو وردات عنهم بين 8 و 10 بتلات كل وردة من لون معين درتلها وسط بالسمسم مختلف ... و الرشمة استغليتها باه ندير بيها كادر Cadre ...درت 2 ربطات Papillon في جنب السلة لتزيينها و بما أنو مخرجليش الفراغ بين أسفل السلة و الفوق قلت منزيدش ثم دبلة لماعة (هذي الدبلة عنها 10 سنوات ربما تاع الوالدة) حافة الكادر (اللوحة) زينتها بالدبلة الموف كيما لون القماش و بغرزة تعلمناها من عند سندس ربي يخليهالنا (Tige) و هذه باقي الصور تاع التطبيق ...أتمنى انه سينال اعجابكم ....و انتظر تعليقاتكم و انتقاداتكم .... الأنترنت ثقيلة بزاف هاذو الصور الأولى لي قدرت نحطهم راني نزيد نحط باقي الصور في مشاركة اخرى بما أنه راهي طول .....