[ام نسمة]

مرحبا موضوع في القمة ولا ادري لمادا لم يلقى تجاوب انا حتى هاته اللحظة رايته المهم انا في حد داتي انسانة مقتصدة وموفرة مند صغري احب فكرة اني نجمع المال ونخبيه حتى انلم بزاف ونشري واش انحب من مالي الخاص عندي طفلين كي ولدتهم النقود التي جمعتها كا بروك خبيتها لهم وزدت درت اتفاق مع بوهم باش كل شهر يعطيهم مبلغ رمزي انخبيه لهم في دفتلر التوفير كي كبر ولدي رجع كل ما اعطاوه الدراهم ايروح قبالة للحانوت يشري الحلوى وما كنتش انقول في البداية لكن زاد الوضع عن حدو فتكلمت معه بطريقة بسيطة جدا حتى يفهمني تكلمت معه بعقلية الاطفال و وصلتله رسالتي هو مغرم بالسيارات والالعاب فاخدته ورحنا اشترينا علبة واخدته لمتجر الالعاب و وريتله سيارة جميلة وقلت له انت راجل لازم تتعلم تعتمد على نفسك كل ما يعطوك الفلوس حطهم في هدا الشق يعني تاع العلبة الخاصة بحفظ النقود وكي نملوها نجبدوها ونشرو واش انحبو وافق بسرعة تخيل رجع يلم بعد سنة ونصف زدتله مبلغ بسيط على نقوده واشريتله خزانة حاصة بيه لحوايجو وفرح بزاف وراقتله الفكرة اكثر لانو فهم قصدي ولحد الان رانا مع نفس الاسلوب يعني انا اؤيد تعليم الاطفال خاصة الدكور التوفير والتعامل الجيد مع المال فهدا سيكون مفيد جدا له في المستقبل وراح تلقاه انسان ناجح واما عن كيفية التعامل مع طلباته الامنتهية راح اعطيك مثال بسيط عن طفلي كان ايقول لنا اعطوني حبة حلوة رجع ابوه يعطيه مع الوقت ارجع ايقول حبة حلوة ومعاها حبة علك ومن بعد ارجع ايقول اعطوني بزاف في مرة وحدة قلته ارواح عندي كي جا قلتله لوكان انروحو للدكان ونشرو بزاف الحلوة الاطفال الاخرين مساكين ما يلقو واش ياكلو ما تكفيهمش على خاطر انت خديت بزاف وراح يبكو مساكي وتخيل كان كلامي مثل السحر ارجع كي يعطيه بوه اكثر من وحدة ايقوله لالا رجعها دورك الاطفال مساكين ما يلقاوش واش يشرو المهم يجب علينا لا الشد ولا الرخف يعني نلبي حاجيات الطفل على حساب واش انشوفو احنا الاهل اداكان ينفع نشرو الغرض اللي طلبو ولا لا والتشجيع في الاخير يعمل المعجزات وعفوا على الاطالة