[أكوام الورد]

على ما أضن أخي بلي راك في مرحلة المراهقة وشي طبيعي تمر على أوقات صعيبة كيما هادي
بصح يلا ماضبطتش روحك دروك و سيطرت على نفسك من بعد غادي تضيع
خمم فروحك اللي ماتستاهلش هاد الشي
خمم في صحتك اللي غادي ضيعها بالتدخينذ
خمم فوالديك اللي مايستاهلو غير الخير.ماكانش الوالدين اللي يبغيو لولادهم الشر صدقني أخي
الإنتحار ماشي حل و عمره ماغادي يولي حل
يلا خسرت دنيتك ما تخليش روحك تزيد تخسر آخرتك بالانتحار
الحل هو أنك تراجع نفسك و توب على أخطاءك وتغير التفكير نتاعك خليه أكثر ايجابي
كلشي ساهل صفي نيتك و تقرب من رب العلمين و دعيه و هو يسهلك كلشي
اطلب السماح موالديك وبدا صفحة جيدة نقية .مازال مافاتش الوقت بصح صلح غلطتك اليوم قبل غدوة أخي قبل ماتندم
كلشي يفوت ان شاء الله و بعد كل عسر يسر
ماتدخنش أخي و بعد على أصدقاء السوء وتبع الراي اللي ينفعك ماشي اللي يهلكك
خمم كيفاش غادي تكون فالمستقبل وو يلا قدترت تولي لقرايتك بأي طريقة حتى بالمراسلة ولي غير هي اللي تنفعك
وربي هو الموفق