اهلا ااختي
شوفي هذه طريقتي بدون صور
اولا العدس باه يجي ذايب لازم كوكوت
جيبي الكوكوت ارحي حبة بصل صغيرة + ثوم +زيت + قطعة دجاج استعملي الرقبة او القانصة لانك رايحة تطيبي العدس ربع ساعة فقط
قلي مليح مع اضافة الملح والتوابل
اغسلي العدس مليح ونقيه واضيفيه للكوكوت + طماطم+ فلفل حار قلي برهة ثم مرقي بالماء الساخن اغلقي الكوكوت ربع ساعة بالكثير
بعد ما تفتحي بتضيف شوية ماء اذا لقاتو شرب بزاف تغطي الكوكوت وتشعل النار وكل 5 دقائق ترفع الغطاء تلاقي قشور العدس طلعت تخرجها بسرعة بواسطة المغرف المثقوب وترجع الغطاء وتكرر العملية حتى تخرج كل القشور
وقت التقديم نحب نشوي الفلفل الحار + شوييييية ثوم ونضيفهم للعدس ويجي هايل وخاثر وبنين