اقتباس:
المشاركة الأصلية كتبت بواسطة khouloud 27
شوفي ختي انا عندي زوج طرق نطيب بيهم اللوبيا الخضراء
اول وحدة هي مقلية بالجاج والثانية مرقة حمرا
انا نعطيك تاع المرقة تجي روعة وممكن ديريها لكاش ضيف يجيك على غفلة
اول شي نقي اللوبيا تاعك تقريبا كيلو واقسمي كل حبة على زوج اغسليهم مليح ومن بعد قطريهم من الماء
حطي المقلة تاعك على النار وحطي فيها شوية زبدة مع شوية زيت وقلي فيهم اللوبيا الخضرا مدة 5دقايق وطفي عليهم وخليهم على جنب
ودروك حضري المرقة
حبة بصح مقطع صغير وشوية زبدة مع شوية زيت وديري بالجاج ولا باللحم لي متوفر عندك وحطي نص مغرف ملح وقلي مليح مين يتقلى كلشي زيدي فلفل اسود وكمون وزعفران وشوية طماطم مصبرة وادا عندك الكروية ديري مغرف صغيرة وخليهم يزيدو يتقلاو غير شوية تقريبا دقيقة ومن بعد حطي اللوبيا تاعك لي كنتي قليتيها ومرقي وخليها طيب
قبل ما طفي عليها بنص ساعة ديري الدرسة تاعك لي هي ثوم قصبر وكمون وديريهم عليها وخليها شوية وطفي عليها وتكون ناشفة شوية من المرق واقلي معاها البطاطا والله غير تجي روعة اسمحيلي طولت عليك بزاف مي بغيت نعطيك بالتفصيل ان شاء الله تجربيها
|
مممممممم !!شكرا أختي ربي يجازيك كل خير باينة تهببببببببببل
تجربها نشاله
