اختي العزيزة انا راني مغتربة كما نتي وعندي نفس المشكل لان الغربة تزيد علينا في زوج الضغط النفسي وزيد الراجل راه برا يخدم بلاك تصرالو الف مشكل وماعندوش وين يفرغ زعافو
انت لازم تبدلي العقلية في الدار وسايسيه ماتقوليش راني نسايسو وهو مايقبلش
لالا اختي شوفي نهار الي يكون لاباس بيه ارواحي اهدري معاه وفهميه على الحاجات الي يقلقوه مثلا قوليلو لوكان تعرف شحال تضيق بيا الدنيا في الغربة ووحدي بلا اهلي ونزيد نكره حياتي كي تتقلق عليا بصح نهار الي تكون مليح الدنيا بغربتها تجيني عادي وووووومثل هاذ الكلام
وكي يزعف عليك ماترديش عليه وخليه يقول الي حب من بعد روحي احكمي ولادك وفهميهم بلي المشاكل تصرا بين الزوجين وانكما تحبوهم بزاف وخاصة المراهق لازم تصاحبيه لانه في غربة ووقت صعيب
ربي يفرج على الجميع