ما فهمتش علاش مش حابة تكملي مابقاش بزاف و صدقيني غير كامل فتنا على ديك المرحلة نتاع نكرهو ونقولو نحبسو أنا تان كنت هاكا عام باكي من كثر الضغط جيني فكرة اني نحبس بصح كي نخمم في والديا وشعال تعبو معايا نشوف باللي مش هادا جازاتهم أنا كون نصيب الفرح كامل تاع الدنيا نمدولهم كي جي تشوفي شعال فات وقت وشعال من شهر وانتي تقراي وتتعبي راكي كيما داك اللي يمشي في طريق طويلة في نهايتها كنز كي بقالو غير شوي و يلحق بعد قاع ديك الطريق اللي مشاها قالهم أنا ما نكملش
هادا مش منطقي بقالك شهر كمليه ومبعد ادا ما كملتيش في الجامعة ما يهمش لأنو عندك حق تسجلي وين ما ظهرلك هاكدا باه ما تندميش
و ربي ان شاء الله ينجحك اذا خوفك انك ما تنجحيش هو اللي وللد فيك داك الاحساس انا نقولك النجاح ينزاد من داخل الانسان ادا درتي في بالك باللي راح تنجحي لأنك تقدري و قريتي على داك الأساس تأكدي باللي راح تنجحي ما تضيعيش دب الفرصة من يدك
والله ولي التوفيق