يا حكام المسلمين
خافوا من الله شوية
لا تظلوا دايما نايمين
ثوروا ع الصهيونية
احكموا بشرع الله
واستوصوا بالرعية
بكفي ظلم واستعباد
يا بياعين القضية
ملعونة من الله الذلة
وملعونة التبعية
الشعب بدو عدالة
وبدو أمن وحرية
يا حكام يا مصايب
انتم أصل البلية
الشعب من الفقر ذايب
مش لاقي أكله هنية
بكفي غلا وضرايب
ويكفي عنجهية
شوفوا شو صار بكل سفاح
في دولنا العربية
علي وألقذافي ومبارك
بقدرة قادر يا حكام
راحوا في شربة ميه
يا حكام العروبة
القدس عم بتنادي
وين راحت الحمية
يا حكومتنا العميلة
يا غرقانة في الرذيلة
كل قممكم هزيلة
فاشلة ميه بامية
ما بدنا فرقة و خصام
بدنا وحده عربيه
ما بدنا دجل ووعود
بدنا همة قوية
بدنا يصير إلنا كيان
وطن وأمن والهوية
بدنا جيش جرار
يحطم قيد الاستعمار
ويقضي ع الصهيونية
هبّوا يا شعوب العرب
لا .لا تخافوا المنية