[soso sirin]

انا وحدا من الناس مانبغيش الفترة كي تطوال بزاف بين اخطبة و الزواج تسماط الحالة تاع الصح امالا في بالك كيفاه و هو عاقد عليها هنا والله يولو المشاكل بزاف .الحاجة الاولى الي تخلي ليجون يعقدو بلخف هو باه يقلك نايفيتي المشاكل تاع كي نبغي نخرج معاها و لا كي نبغي نجيها للدار مي هنا تولي المشاكل تاع الصح في رايك انت مكانش اب و لا اخ يقبل باه بنتو ولا اختو تولي طالعة هابطة مع واحد حتى و يكون راجلها شرعا و قانونا.تم يزيد الضغط عليه بزاف من الطفلة و ماليها باه يدير العرس بلخف و من جهة عندهم الصح هاذي دنيا و واش ضمنهم انك صح راح تديها لانو هذا راه مكتوب ربي .و كاين شي رجال والله توصل بيهم باه يدوموندو حقهم الشرعي كيما يقولو و هوما نساو بلي الشرط الاساسي لهذاالحق هو انو يديها عندو لدارو على هكا شحال من زواجات ماكملوش غير على جال هاذي السبة.الي قالك يعقد باه يايفيتي فتنة النساء انا هاذي ماشي مقتنعة بها لانو و نجو نشوفو الي راه عاقد عليها و ماشي مرتو باه يفوت معاها الحدود و اذا صح باغي يقفل باب من ابواب جهنم امالا يديها لدارو و ماشي شرط لازم عرس يهدرو عليه الناس كامل و لا يجي يديها في طيارة و ماتقوليش النسا ماهمش يبغو لانو المرة كي توصل الوقت بيها عاقدة 5 سنين و هي عند باباها تكره حياتها لانو كون كتب ربي كان يكون عندها طفل راهي تخمم باه يدخل للتحضيري.الخطبة كي تطوال تجيب المشاكل و دخل الواحد في مشاكل هو كان راح يرتاح كون تزوج تمتم