المشكل ماراهش في الزواج المبكر ولا ناخرو فيه المشكل راه في عقليات الي راهم رايحين يتزوجو صح قادرين يتحملو المسؤولية صح الراجل قادر انو يفتح بيت و انو يتحمل مسؤولية مرة و ذراري و المرة هاذي صح قادرة تتحمل مسؤولية حياة جديدة راجل عندو عقلية غير عقليتها.كاين ناس والله صغار في العمر مي تلقاهم ماشاء اله عندهم عقل تاع واحد كبير و كاين العكس اذا العمر راه كبير و تلقاه ذري في عقلو.عيب كبير باه واحد يتزوج باه يتزوج وخلاص انا هذا الراجل الي راح نتزوج بيه مانيش رايحة نفوت معاه يومين و راجعة لدار بابا راه نكمل معاه حياتي كامل.بكري كي والدينا تزوجو صغار كانو عاقلين ناضجين معنتها كانو على قد المسؤولية مي انك با جيبلي ذري و ذرية و تقولي يتزوجو هاذي مكانش منها كاين في شي ردود الي قالو انو الزواج المبكر راه ينحي مشاكل كبار انا راني نشوف العكس كيما الي راهم يتزوجو صغار منبعد تفوت مدة و يقلك رانا كرهنا من بعضانا و كون غير يطلقو معليش يبدا هنا مسلسل الخيانة الزوجية و ماخفي كان اعظم.انا مانيش نهدر على كل الزيجات بالعكس والله كاين الي راهم عايشين ماشاء الله.انا من وجهة نظري الوالدين مايزوجوش ولادهم الى اذا شافوهم بلي صح قد المسؤولية