و هاهي الطريقة نتمنى نكون وفقت في الشرح اولا الادوات قماش اي نوع تحبي قياس 50cm خيط طباشير épingles fermiture éclaire 35cm نخدمو باترون 40CM/40CM نطويو القماش باش نديرو زوج وجوه و نلسقو الباترون على القماش بلي ايبانقل نرسمو خط الطباشير بعيد على الطرف ب زوج سنتيمتر و هاد الصورة تبان كومبلي نبداو نقطعو القماش و هادي الصورة بعد التقطاع و امبعد نبداو نديرو الفوفيلاج في الاطراف نورمالمو هاك يسموه ههههه ان شاء الله تكون الصور واضح فيها الخيط و امبعد كي نلحقو للجهة المفتوحة نقيسو عليها السنسلة باش نحسبو شحال نشدو القماش بالخيط و هادا القماش بعد ما شديناه بالخيط و نحينالو الباترون و دورك نبداو نخيطو فوق الفوفيلاج بالماشينة و ما ننساوش نخلو فتحة السنسلة و كي نكملو الخياطة نقصو الزوايا تاع المربع كيما في الصورة باش كي نقلبوها تخرجلنا الزاوية حادة ماشي مدورة و امبعد نطويو القماش جيهة الفتحة للداخل و نجوزو عليه بالحديد غير مالفوق باش نكسلوه و بالاكي يتحرق القماش ادا كان رقيق و في الاخير نبلاصيو السنسلة و نخيطوها باليد بغرزات ما يبانوش ان شاء الله الصور تكون واضحة و تفهموني و هادو في الاخير الثلاث مخايد اللي خدمتهم مي انا عمرت غير واحدة و للتعمار تاع المخدة تاخذي la watt تاع الميترة على القيس تاع المخدة و تخيطيها من كل الجوايه باليد و تخلي غير جهة صغيرة باش تعمري منها و امبعد عمريها باش تحبي ( صوف بونج قماشات قدم حوايج قدم ) مي ماشي حتى وين تطرطق ههه و كملي خيطيها باش تغلقيها و هاكا كل ما تحبي تغسلي لمخدة فرغيها و اغسليها غير لغلاف ان شاء الله تكونو فهمتوني و نكون وفقت في شرح الطريقة علابالي طولت عليكم اسمحولي هادا غير باش تفهمو مليح