منتديات الجلفة لكل الجزائريين و العرب - عرض مشاركة واحدة - ياأعضاء باركولي:تعشيت بالفريت البارح ...احم احم!!!

رجل مهم · 2012-04-05, 10:22

على بالي ماراحين تصدقوني كون نخبركم بلي كليت البارح الفريت
إيه والله غير تعشيت بالفريت بطاطا مقلية !!
على بالي نصكم راح يطيح بالغيرة والحسد
الحمد لله ..
هذا فضل ربي ،،

البطاطا في بلاد البطاطا
تسوى عندنا 9000وعيش يالزوالي ،،
احنا نصنا ما ونصنا بطاطا ...
الماء قطعوه والبطاطا غلاوها
كي نديروا

صح نصبروا
بصح الصبر عندوا حدوود

أنا راني حاب نسقسي خاوتي
شعال عندكم ماكليتوش الفريت !!
على بالكم كي تدخلوا الريستوروا يعني المطعم
ويبدى اللي يسربي الماكلة
يقول في المونوا يعني ليستة تاع الماكلة
يحكي كلش
من اللوبيا حتى المثوم والجاج..
غير البطاطا اللي مايحكيش عليها
ورد بالك تسقسيه
لأنوا سير راح يطلعلوا الزبل وربما يسبك

هذا طبسي فريت من عندي لجيع الأعضاء الزوالية كيفي !!!