انا راح نهدر على دارنا احنا بابا هو الي داير الحدود مابينا و مابين اخواتنا الذراري معنتها علمهم من الصغر انهم يخافو علينا ماشي يحكمو فينا دايمن كان يقولنا انا عندي الطفلة خيرمن الطفل و هي ماشي صح بابا يموت على اخواتي مي دايمن يقول هكا باه يديرنا قيمة وسطهم باه مايجيش نهار و يظلمونا سواء كان في حظورو ولا غيابو ربي يطولنا في عمرو ان شاء الله.حنا تربينا و كبرنا بعقلية انهم عمرهم مايقولونا قرار و طبق لازم هوما يهدرو و حنا نهدرو و منبعد نطبقو مرات والله خويا الكبير و عمرو مانتفكرو قالي كلمة ماشي مليحة بالعكس و زيد خواتي لخرين والله كي نولي نهدر معاهم مرات يقولولي بلاك انتي الكبيرة و احنا ماشي عارفين.انا كبرت في دار الحمد الله خواتي والله تقدر تتكل عليهم و عارفة انهم مايظلموناش علا هكا والله نهار ماكذبتش عليهم مرات والله شي حوايج ماتقدرش تقولهم اي طفلة لخوها احنا في الدار والله نهدرو معاهم عاديلانو اذا درت حاجة ماشي مليحة و بالتخبية معنتها مانيش دايرا قيمة لخويا الي راه داير فيا الثقة هي مكانش خيرمن الصراحة و الثقة بين الخاوا حتى كي واحد يزعف من لاخر والله نتناقرو مي نرجعو تمتم ربي يحفظهم و يبعد علينا ولاد الحرام يا رب لانهم هوما الي راح نلاقاهم دايمن واقفين معايا