[fifiarch]

الكوفرولي يكون كامل بخدمة السموكس وطبعا انت اخترت غرزة الياسمينة
ابعاد القماش راها موضحة في المخطط
اكيد العمل بالياسمينة يجعل القماش يتقلص الى النصف
يعني لا بد لنا من شراء ثمانية امتار قماش و نقسموهم على زوج
نتحصلو على قطعتين طول كل واحدة اربعة امتار
ونقوم بالصاق القطعتين ببعض نحصل على قطعة كبيرة طولها اربعة متر و عرضها ثلاثة امتار
القماش راح يتقلص للنصف بعد العمل و نحصل على الكوفرولي من فوق السرير دون حاشية ابعاده
متر ونصف عرض
و مترين طول
وهذه الابعاد المطلوبة
و تكون بالشكل التالي

هاذي هي الابعاد سندوستي

اما عن الكشكشة من الافصل تشري ثلاثة امتار قماش
وانت واش تحبي تناسق الوان ممكن كيف بعض او لونين يمشو مع بعض

وهنا رسم توضيحي للكشكشة

اكيد في مكان الخياطة بين الكشكشة و السموكس نديرو دونتال نغطو بيه الخياطة

اما عن الباترون

استخدمي مربعات نتاع اربعة سنتيمتر تجيك صغيرة وبالزاف
مبصح تكون متحوفة

و الباترون ارسميه على وجه القماش بطريقة النقط
لانو الياسمينة تجي على وجه القماش والنقط يحافظولك على نظافة القماش نتاعك
ما تنسايش خلي عشرة سنتيمتر على الجوانب وابداي الرسم نتاع الباترون

وزيني الياسمينات بالعقاش

ولازمك لاوات وقماش لتبطين الكوفرولي وان شاء الله الدر الجاي نتطرقو لهاذ النقطة

اي استفسار اخر قوليلي عليه ممكن ننسى حوايج