2012-03-31, 19:11
|
رقم المشاركة : 45
|
 معلومات
العضو |
|
|
|
إحصائية
العضو |
|
|
|
اقتباس:
المشاركة الأصلية كتبت بواسطة rima mimi25
ربي ينجحك اختي أنا أولى ثانوي و مزال ماعطاوناش ورقة الرغبات و راني حايرا واش نختار علوم و لا تسيير و اقتصاد مادام أنتي علوم قوليلي كيفاه جاتك ساهلة و لا صعيبة
|
شوفي ننصحك جاوني بزاااف من قبلك و سالوني نفس السؤال و رايحة نمدلك نفس الجواب
هادي حاجة انتي تخيريها واحد مايخيرها غيرك شوفي روحك في المواد لي راكي تقراي فيها و شوفي احسن مادة عندك مش من خلال المردود و انما من خلال مدى فهمك لهذه المادة و حبك لها و شوفي المهنة لي راكي حابة تمتهنيها في المستقبل حتى تختاري اسهل طريق لها
كل واحد و كيفاش مثلا انا نحب العلوم الطبيعية و كنت فووور فيها على بيها طلعت علوم تجريبية و لكن كون طلعت رياضيات ولا تسيير و اقتصاد كنت بالاك مانجيبش روحي كيما هنا في العلوم التجريبية
نمدلك مثال عندي صديقتي ماتحبش العلوم الطبيعية تكرهها في الدم و طلعت معايا علوم تجريبية و درك ولات نادمة تقولي كون طلعت رياضيات احسن
من هادا لازمك انتي تخيري وحدك ماتخليش لبنات ياثرو عليك بافكارهم و يقولولك هادي ساهلة و هاديك صعيبة
حاجة تجيني ساهلة قادرة تجيك صعيبة و العكس صحيح
المهم ان شاء الله تكوني فهمتي وش قلتلك
نقدر نقولك حاجة وحدة السنة ثانية ماهيش ساهلة كيما الاولى بالنسبة لي جبت في الثلاثي الاول اسوا معدل في حياتي و الحمد لله قدرت نرجع لمستواي في الثلاثي الثاني
سلام تقبلي تحياتي صديقتي ريمة
|
|
|
|