السلام عليكم ان شاء الله تكونو غايه
حبيت برك نشاركم نقاش حدث بيني و بين زوجي و بغيت نعرف آراء الكل باش نشوف ادا برك أنا نخمم هكدا ولا كامل البنات و تاني واش رأي الرجال
الموضوع هو يخص الكلام الجميل بين الزوج و الزوجة كان رأي أنو الزوجه مهما كانت تشوف لي جاست نتاع راجلها لي يبينو أنو يحبها بزاف و مهما كانت حاسه بحبو بصح ديما تحب تسمعها منو و هدا مش معنى أنها شاكه في حبو بصح تحب أنها تسمعها لأنها عندها وقع خاص و تبالي مكانش زوجه متحبش راجلها يقولها نحبك و منقدرش نعيش بلا بيك و و و ليلا و نهار بدون قيود
و لكن رأي زوجي كان مخالف و قالي حنا الرجال منحكوش بزاف و منحبوش نحسو أنو المرا حابه تسمعها بويسك معناها ماهيش تشوف بلي نحبها ولا واش راني ندير ماشي كافي أنو يوصل ميساج الحب و تاني قالي منحبش نقلل من حبنا و نرجعو لكلام فقط بويسك لوكان يكثر من الكلام يولي الحب معندوش معنى و مهما نقولك نحبك من بعد تولي كلام عادي و تعودتي تسمعيه و كان رأيو أنها لازم تجي وحدها خير بلا منحس أني مضطر نقولهالك باش تحسي بحبي و تاني بدون مغالات لأنو يحس أنو يمتل فيلم رومنسي
واش رايكم؟