هاقد عدت كما وعدت
نبدا اليوم ببعض من ردود عضوة بارزة ومعروفة من بكري هنا وحرت كيفاش ما ولاتش مشرفة
ههه لبنى الطبيبة
وتقدو تقولو طبيبة المنتدى
هذا رذ ليها كان في احد مواضيعي وضحكني ههه
وهدا رابط الموضوع
https://www.djelfa.info/vb/showthread.php?t=356935
اقتباس:
المشاركة الأصلية كتبت بواسطة ل..ب..ن..ى
السلام عليكم
نلوموك على اللهجة؟؟؟
لوكان جيت ماتحكيش بهده اللهجة
مع انت الله يبارك تهدر غي شوية
والله مانكمل الموضوع ههههه
طريقتك هايلة خويا حسين
نرجعو للسي بادي
واش كنت نتوقع منو يدير؟؟؟؟
بصراحة......
قلت سووور هادي صرات هادوك ليامات منين كنت غايب
يعني فهمتني
سورتو منين بادي الله يبارك 2 خطوات يكون عندك هههه
بادي فوووور
اعطيني النوميرو تاعو
كاش حاجة نضمن سلامتي هههههه
غي اللي ماهدرش معايا نجيبلو بادي
صح المهابل عندهم عقول اطفال
يعني تعلم في صغرو مالازمش تنحي الوردة
خلاها في عقلو
هبل قبل مايعرف بلي هو جزايري
ولازم ينحي الوردة ههههه
شكرا اخي
تهدر ولا ماتردش الصرف نجيبلك بادي
سلااااااااااااام
|
وهذا رد ليها كان في موضوع سابق لي ايضا
قتلني بالضحك
وهذا رابط الموضوع لمن احب الاطلاع
https://www.djelfa.info/vb/showthread.php?t=358073
اقتباس:
المشاركة الأصلية كتبت بواسطة ل..ب..ن..ى
السلام عليكم
الموضوع قريتو نهار كتبتو بصح في الليل كنت عيانة باش نحكي
عاود البارح ........ هاداك ماشي ردي؟!!!!!
شوف كاش جن كان معاك انا ماكتبت والو
اجري على روحك يا بابا ........... ههههههه
انانية الرجال
والله غير نهار انت كتبت الموضوع
قبل مانفتح المنتدى كنت مع امي وخالتي
يمنشرو في بابا وراجل خالتي
ماما قالت لخالتي: ..والله غير شابة هادي
حنا نقتلو رواحنا نوجدو الماكلة وووو
وهما يجو في الاخر ..... ينقرشو
مازال الماكلة ماوجدتش!!!!
بففففففف ... اففففففففف ..... تقول كانو يخدمو الصابا !!!
وهما كانو يحوسو برك
ايا من بعد الماكلة توجد والطابلة تنحط
ايا يقعدو ينقرشو عاود
هدا خبز؟؟؟ ... ماما تقولو علاه انا خدمتو ياك ولدك شراه ...!!
هو يقوللها : بففف علاه ماتشروهش مليح ....
وقتها خويا يكون يلعب ماتش وحنا ناكلو في الزعاف هههههه
عاود ينوضو يعلقو على الماكلة
//بابا ماياكلش المقلي بزااف على الكوليستيرول //
ايا يقعد يهدر علاه تطيبو البطاطا المقلية؟؟؟
ماما تقولو ماتاكلهاش !! حنا نحبوها ...... ياك درنالك حاجات وحدخرا
عاود يدور يدور يعاودها ..... علاه تقليووا هاد الحاجة ؟؟!!!
اشويوها ولا طيبوها بطريقة وحدخرا
وهو برك منداك تكون في خاطرو هههههه والله نفيقلو ههههه
ايا يعاود يرفد ويدوق منها وهو ينقرش
حابين تقتلوني
هههههه وهو ياكل ويزيد ويقول حابين تقتلوني هههههههه
ماما تقعد تضحك
خاطر والله تكون مطيبتلو حقو مشوي
بصح هو يحب المقلي
المهم يقعدو كيما هاكدا دايما
حتى ماما تشنّف
وبابا من بعد يروح يدلّق
ههههههههه
راني حافظة اللعب هههههههههه
بابا مسكين عاقل ويحب البربوشة //الكسكس//
بصح خويا مانعرف كامل وين راه ياكل؟؟!!!!
كل يوم يجي شبعان!!!
هههههههه
يعطيك الصحة خويا
مرة وحدخرا منين مايعجبكش العشا ولا الفطور
اشري لامك معاك كاسكروت ......
حرام عليك تاكل وحدك ..........
واختك ماتنساهاش.......... نقول هكدا بالاك خويا يسمع هههههه
سلااااااااااااام
|
سوف اعود باذن الله مع عضو اخر وردود اخرى
وبارك الله فيك
