[احمد الطيباوي]

المشاركة الأصلية كتبت بواسطة اوشن

شوفو يا ناس كي ترجع لعروش تبسة انا من تبسة
عرش اولاد يحي راه يتركز في شمال ولاية تبسة يعني شرق اوراس و العرش هذا راه يرجع لبني ونفين الهوارية لي ابن خلدون بالذات قال بلي يتركز في شرق اوراس لي هي من ام البواقي و عين البيضاء و شمال تبسة و جنوب سوق اهراس و يتوغل في التراب التونسي يمس القصرين و الرديف و غرب قفصة
اولاد يحي راهم من بني ونفين لان ابن خلدون ذكر بلي بني ونفين حافضو على امازيغيتهم مانتناء واش هذا جاي يعرب حتى بني ونفين
و حتى اذا يلمنا بلي فيه بني سليم قداه راح يكونو وحدة زوز ؟ مشي العرش الكل يزونا بلاكذب و ما تزوروش الله يهديكم
اولاد يحي بن طالب راه في شمال تبسة و جنوب سوق اهراس اما خنشلة و ام البواقي و باتنة و واد سوف هاذي راها تضاف الى العجايب تاعو لي كل يوم يخرج لينا بوحدة منهم
و اما مسألة عرش كبير راها ماكانش منها خاطر العروش الكبار راها تحيط باولاد يحي و هي اللمامشة جنوبا و الحراكتة غربا و الحنانشة شمالا و الفراشيش في تونس شرقا اما عرش اولاد يحي بن طالب راهو جاي وسط العروش هاذي
و زيد عرش اولاد يحي بن طالب راه على مر العصور حليف عرش اللمامشة اللمامشة يديهم النيف على اولاد يحي و اولاد يحي يديهم النيف على اللمامشة اما المناوشات بيناتهم راها في اطار فردي تكون بين افراد على اراضي متجاورة و هذا يصرا في كل بلاصة اما كقبيلتين لالا بيناتهم كيما نقولو بعرفنا نغرية اي ان اللموشي و اليحياوي مع بعضاهم و الدليل انو في السبعينات المواجهات لي صرت بين اللمامشة و الدرارجة في تبسة بدت خاطر اولاد دراج تعاركو مع اولاد يحي دخلو فيها اللمامشة بحكم النغرية التي تربطهم باولاد يحي بن طالب و هذي ضربتها كمثال برك و ما عندي من وراها حتى قصد

المشاركة الأصلية كتبت بواسطة allamallamallam

يا راجل الله يهديك انت رجعت ولاية التبسه كل بربر ؟؟؟؟؟ غير معقول

اولاد يحيى هم من قبائل بنى عوف السليميه العربيه و جاؤا من منطقة الجريد فى تونس ومازال فى منطقة الجريد قبائل من اولاد يحى الى يومنا هذا

اما و نيفن هذه مكانش منها ؟؟؟؟ لكن هى تخدم نظريتك يا اوشن فأنت ستنسب اولاد يحى الى هواره لكى يخلالك الجو لتنسب النمامشه الى جراوه ؟؟

و هذا لم يقل به اى احد من علماء التاريخ الى يومنا هذا الا انت يا اوشن

سلام

ملاحظه ,,,,,, الصدمه لى قلتلك عليها هاى قريب ؟؟

المشاركة الأصلية كتبت بواسطة اوشن

ونفين ما كانش منها؟؟؟؟؟؟ مليح
اما تقول باش يخلالك الجو تنسب اللمامشة الى جراوة لالا يا خويا الحمد لله الوسع راه كاين و الادلة الكل تقول بجراوية اللمامشة و ما نيش انا لي نكذب على انساب العباد كيما بعض الناس
و تعجبني كي تهدر على التاريخ و انت ما تعرف منو والو كمل برك
و الصدمة ياخي قلت لك ازرب بيها ما علاباليش علاش راك تطول

الرجاء من الاخوة الكرام الالتزام بقوانين المنتدى في النقاش و التحدث باللغة العربية الفصحى
الرجاء زيارة صفحة قوانين منتديات الجلفة :
https://www.djelfa.info/vb/misc.php?do=cfrules

((((....حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ....)))