مساء الخير لبنات
اختي ام مرية نقلك كي تديري قلب الوردة انتبهي مليح في الفيديو سندوسة وين تعاود تدخل الابرة
لانو لو تدخليها في مكان غالط ماتخرجلكش وتتفتح
حاولي كثيرا لانو اتقان القلب هو اهم شيء والباقي ساهل ماهل
بالنسبة لطول الدبلة في الوردة والله ماعلابالي شحال المرة الجاية نقيسها
عندك الحق هكا باه نقصو غير البعد لي نحتاجوه
ربي يعاونك وماتياسيش
جيجي راها دايرة السوكسي
كامل عجبتهم خدمتك
بصحتك يا لالة
حتى انا عجبتني وخرجت عليك
اختي انوسة اهلا بيك معنا
اختي امال بالنسبة لعمل الشرائط انا غسلتو باليد وحكيت وماتحلتش
مبصح لما تحكيه ماتحكيش بللزاف
الوردات مستحيل يتفتحو والاغصان
المشكلة شوي في الاوراق
لكن لما تخدمي خدمتك وتحزقيها مليح و تجبدي ما تخافيش لانو الدبلة ماراحش تتحرك
نتمنى تكونو فاهمين الدرس الثاني وماكان حتى اشكال واللي تحتاج حاجة ماذا بينا تسال رانا هنا للاجابة عنكم
بالتوفيق
ونلتقي مبعد ان شاء الله